جارى البحث عن ضمير

الــ إيه .. عم حسين

اللى كانت ابتسامته شبرين

و بيعرفنا التفاؤل يجى منين

و اللى كان بيصالح كل اتنين متخصمين

لقيته زعلان

عم حسين ده يا جدعان

كان عامل لنا مصلح اجتماعى

كان بيحب الضحك و الفرفشة

ده هو اللى رجع شلبى لفتكات بعد لما كان كل اللى بينهم مضى و فات

و كانوا خلاص اوشكوا على الطلاق

عم حسين اللى كان بيفك زنقة كل واحد من اولاد حارتنا

سواء مادية او معنوية

دلوقت زعلان

يا ساتر

هو ايه اللى حصل فى الدنيا

بصيت فى وشه و حاولت اعرف ايه السبب

و سألته

عم حسين مالك يا عمنا

رد عليا و الدموع كانت خلاص بدأت تظهر

أصلى من اسبوع رحت اشتغلت عند النجار اللى فى اول الحارة

و صاحب المصلحة طلب منى انى اخلص 10 كراسى فى 3 ايام

فحصل شجار بينى و بينه و قلت له ده اعمله ازاى

ده اقل حاجة يبقى فى اسبوع

قالى يا عم حسين متدققش و اخلص و خلصنا

يعنى انت لما تدقق فى شغلك هنكسب ايه

يا عم اخلص و بلاش عطلة

قمت طاوعته و عملت اللى قالى عليه

و خلصت الكراسى فى لــ 3 ايام

و اجى الزبون بتاع البضاعة و قال و هو بيعاين الكراسى

ايه ده يا عم حسين

انت معندكش ضمير !!



دى كانت حكاية عم حسين

الشخص الطيب المصلح اللى فى لحظة باع ضميره من اجل ارضاء صاحب العمل

كام واحد مننا زى عم حسين

اظن انه كتيييييير

جوانا طيب لكن الواقع بيخلينا غير كده

لو كل واحد فى بلدنا اشتغل بما يرضى ضميره

اكيد هنتقدم بخطوات

لو بصينا مثلا للمنتجات اللى فى السوق طبعا مش كلها و لكن الاغلبية

لو المنتج يابانى يبقى هنشتريه حتى لو سعره غالى >> وده طبعا لضمان الجودة و الصنعة


و لو المنتج صينى بيبقى رخيص لكن غازى السوق >> و ده بردو لان السرعة عندهم فى تصنيع المنتجات بيعاملوا فيها ضميرهم

اما لو المنتج مصرى فنادرا لو اشتراه احد مع ان يمكن تكون الخامة افضل بكثيير لكن صنعة المنتج لا تشجع المستهلك على شراءه



طبعا انعدام الضمير ده ممكن نلاقيه فى حاجات تانية كتير
زى الموظفين اللى فى المصالح الحكومية
و المدرسيين فى المدراس و خصوصا الثانوية
و اصحاب المصانع
و الاغنياء فى معاملة العاملين لديهم
و ... الخ

و لذلك لا استطيع الا قول

من اجل بلدنا

جارى البحث عن ضمير








بقلمى ,,

طمطم

مشاكل مجتمع عصرى مصرى

بسم الله ابدأ

مشاكل مجتمع عصرى مصرى

البطالة

مشكلة تواجه كل شاب ليس له واسطة للشغل ما دامه لم يعلم حرفة منذ صغره
..
عندما يتخرج شاب و ياخد شهادة دراسته النهائية
تبدأ رحلة البحث عن وظيفة فى كل مكان اعلانات فى الجرائد , على النت , اعلانات فى المحلات , ... الخ
الى ان يصبه حالة من الياس فى عدم ايجاد وظيفة فيصب باحباط و يلجأ الى مأوى هذا الجيل (( القهوة ))
و حل هذه المشكلة ببساطة ان تتقبل الشباب اى وظيفة و لا يتعالوا و يتكبروا على وظائف مجتمعية معينة الى ان يفرجها الله



^^_^^


الادمان

هو تعود الانسان على اى شئ
و من رايى انه بينقسم الى نوعين

النوع الاول
ادمان مخدرات
و ده المنتشر و بيبقى نتيجة لحاجات تانية كتيييييييير
اهمها تفكك الاسرة و البطالة و اصدقاء السوء و ... الخ

النوع التانى
ادمان الكمبيوتر و النت
و ده بدأ ينتشر بين الشباب اليومين دول
فاصبح النوع ده افضل وسيلة للشباب للتهرب من مشاكلهم فيقضى الشاب على النت اكثر من 10 ساعات يوميا


^^_^^


اطفال الشوارع

و هم يعبرون القنبلة الموقوتة القابلة للانفجار فى اى لحظة
هم بنى ادمين ضحايا و مجرمون
ضحايا نتيجة نظرة المجتمع لهم , نتيجة الى ترك اهلهم لهم , نتيجة الى ما يعيشون فيه الا , نتيجة الى ... الخ
و مجرمون فى حق نفسهم اولا و اسرهم ثانيا و مجتمعم ثالثا
فعندما قابلت احدى البنا فى مؤسسة اجتماعية (( الاحداث )) و هى لم تتجاوز من العمر الـ 15 عام بعد قالت لى نصيا عندما سالتها عن سبب مجيئها الى هذا المكان
( انا امى كانت عايزة تجوزنى لواحد من ارايبها و هو اكبر من 40 سنة و لما رفضت ضربتنى و حرقنى بالنار فهربت من البيت و اشتغلت فى الشارع و الضباط قبضوا عليا و انا بشحت ادام الجامع و بجد الناس هنا بيعملونا احسن من اهالينا .. اهالينا اللى كانوا السبب اننا نيجى الدنيا دى )
ثم اجهشت الطفلة فى البكاء .. بكت بكاءا لم و لن ارى مثله ابدا


^^_^^


الزواج العرفى

تعد هذه المشلكة من الظواهر المتزايدة بشكل كبير فى المجتمع و اسباب تلك المشكلة تنحصر فى عدة اشياء اهمها
تحكمات الاسرة و شروطها عند الزواج فيخاف الشاب من هؤلاء التقدم لطلب زواج شرعى معلن لفتاته بسبب الشروط الفوق الوصف من الاهل
(( عايزين شقة 4 اوض و صاة و حمامين , معاك عربية و موديل ايه ,, هتعمل الفرح فى فندق 5 نجوم ,, الشبكة متقلش عن 10 الاف جنيه ,, مهر 20 الف جنية ,, مؤخر بـــ نص مليون جنية ,,, ... الخ ))
فبعض الاهالى عند تقدم المدعو بالعريس لطلب يد المدعو بالعروسة يعجزيوه بشروطهم
فيضطر الشاب الى الهرب من كل هذه الشروط بالزواج غير المعلن
لتفادى طلبان اهل العروسة
و لكن هذا لا يعتبر مبرر ابدا و لكنه سببا



هذه كانت بعض مشاكل مجتمع مصرى حصرى
ليست كل المشاكل و لكنها ابرزها
حاولت ان الخصها فى اقل الكلمات الممكنة
و من وجهة نظرى ان كل مشاكل المجتمع فى الاخر
عبارة عن ترابط و تداخل مع بعضها البعض
فالادمان و الهجرة غير الشرعية مثلا قد ينتجا عن البطالة او ايضا التفكك الاسرى الذى يؤدى الى مشلكة اطفال الشوارع و الادمان و الزواج العرفى


بقلمى ,,,

اشياء تسقط مننا بدون سماع صوت لها

كثيرا ما يقع منا اشياء و تحدث ضجيج نسمعه بأذاننا

و لكن هناك اشياء تقع منا

دون ان تحدث اى ضجيج

ولا نسمع لها اى صوت

و لكن تترك أثر كبير فى أنفسنا



فهناك

السقوط من القلب

السقوط من العين

السقوط من الذاكرة



السقوط من القلب

و هذا يكون بعد مراحل كبيرة من الحب

و قد اسقطته من قلبك حتى يظل احترامك له قائم

و حتى لا تسقطه من عينك فيتحول حبك له إلى >>>> كره

و يظل هذا الساقط فى ذاكرتك

تحفظ عينك له كل ذكرياته الحلوة

و تظل تقول كلما تذكرته >>>>>>> أشكرك يا ( صديقى- حبيبى- أخى .....)






السقوط من العين

و هذا النوع اصعب انواع السقوط

لانها يكون بعد مراحل من الصداقة و الحب

يليه

شئ من الكره و الاحتقار و قلة القيمة

و يظل الساقط من العين فى الذاكرة

ولكن

لا تجد فى قلبك نحوه أى نوع من انواع الشفقة او الحب







السقوط من الذاكرة

و هذا النوع من السقوط

يأتى بعد مراحل كبيرة من التذكر و الحنين إلى ذكرياته

و مع معارك كبيييييييرة مع النسيان

و يعتبر هذا السقوط ارحم انواع السقوط و اصعبها

فمن سقط من الذاكرة

سقط من العين و القلب








و ليس من الضرورى ان من يسقط من عينك ....... يسقط من قلبك

أو من يسقط من قلبك ........... يسقط من ذاكرتك




فلكل سقوط أسبابه

قد يؤثر او لا يؤثر فى السقوط الاخر

رسالة ع الطريقة التركية من مهند لنور

حبيبتى نور

فلننسى سنوات الضياع

و نبدأ فى تحقيق الحلم الضائع

فهذا الحلم لا يبدأ الا اذا سبقته دموع الورد

و سنترك وادى الذئاب

و سنرحل و معانا خليل و ميرنا

و هل تتذكرين قصة الشتاء !!

و الغريب اننى بدونك كان لا مكان لا وطن لى

فلنداوى الاجنحة المنكسرة و نبدأ العد العكسى

كان قديما بيننا لحظة وداع و ذلك بسبب العائلتان

و لكن اليوم سنواجه مشاكل و مشاكل خلال رحلتنا

و لكن و تمضى الايام

و يبقى الحب

ولكى منى اكليل الورد

مودتى,,

مهند

الا كرامتى

بسم الله الرحمن الرحيم

كثيرا ما أمر بكثير من المواقف فى حياتى فبعضها يسبب لى:-

*** الحزن ***
فـــــــ أحاول أن أجد ما يخرجنى من هذا الحزن و الضيق
و أقول لنفسى إن بعد العسرة يسرة


*** النجاح ***
فـــــ أحاول أن أكون شاكرة لله على كل ما جلبه لى من نجاح


*** الفشل ***

فــــ أحاول أن أكرر نفس التجربة
مرة و اثنان و ثلاث
حتى أصبح افضل من يقوم بهذه التجربة


*** الفقر ***
فــــ أحاول النظر إلى حال الصوماليين و غيرهم مما لا يجدون قوت يومهم
فاجد نفسى فى نعمة


*** الغنى ***
فــــ أحاول أن استخدم ما أعطانى الله فى مرضاته

*** المرض ***
فـــ أحاول أن اتغلب على هذا المرض
و أعلم دائما أن لكل داء دواء

و لكن هناك بعض من هذه المواقف قد تأتى لتؤثر سلبا على كرامتى
فــــــ أحاول أن أفعل أى شئ
فلا أستطيع
و أجد نفسى تردد دائما

بانه لا يوجد شئ فى الدنيا مهما كان يعلو على الكرامة


فهذه هى دنياى و هذه هى حياتى

و لكم أن تتفقون معى أو تختلفون

فالاختلاف فى الرأى لا يفسد للود قضية

تحياتى

اختكم

t@mt@m

احاسيس

احاسيس



فقدان الحلم

عندما يفقد الانسان حلمه يشعر بأنه فى طريق لا نهاية له



فقدان الحب

عندما يفقد الانسان حبه يشعر بالوحدة فى غابة وحوش بلا حب



فقدان الامان

عندما يفقد الانسان الاحساس بالامان يشعر وقتها بان الموت هو الامن له




فقدان الاهل

عندما ييفقد الانسان اهله فانه يكون فى دنيا بلا حنان بلا امان



فقدان النفس

عندما يفقد الانسان نفسه فان الانتحار هو الافضل له

ما يقرأه المتصفحون

ما يقرأه المتصفحون

على النت انواع و انواع من المتصفحون للمواضيع فى المنتديات
سأحاول أن أعرض عليكم بعض النماذخ مع بض الاحصائيات الخيالية

المتصفحون انواع


5% من الأعضاء
يبحثون عن الموضوعات الفلسفية ذات الصيغات المختلفة و الطويلة و التى يمل منها معظم القراء
لانها مليئة بالتفاصيل و الحشو و الرغى ...




10% من الأعضاء
يبحثون عن المواضيع الدينية
التى تقربهم دائما من ربهم عز و جل




35% من الأعضاء
يفضلون المواضيع القصيرة التى تحتوى على معانى كثيرة
المواضيع اللى خلت من الحشو





50% من الأعضاء
يبحثون عن صفح اللعب و التسالى و النكت و الفرفشة و المسابقات
و طبعا النسبة دى بتزداد يوميا
بمعدلات متناسبة



اتمنى انه يكون موضوع خفيف عليكم
و اشوف ارائكم
بقلمى
t@mt@m